На 8 септември, кога се празнува споменот на светите маченици Адријан и Наталија и Денот на независноста на Р. Македонија, по утринската богослужба, во манастирот Свети Прохор Пчински во Донибрук, Викторија, се организира работна акција околу новата манастирска црква.
Група патриоти и пријатели на манастирот, празникот на државноста на Р. Македонија го прославија работно во својот македонски манастир, подготвувајќи ја подлогата за бетонирање на пешачката патека околу новоизградената црква.
За многу години празникот и нека е сé во слава на Бога!
