На 25 февруари, 2018 година, во Првата Недела од Великиот пост – Неделата на Православието, кога се празнува светиот Мелетиј Антиохиски и преподобната Марина, во црквата Света Петка во Мил Парк, Мелбурн, се богослужеше утрена богослужба и Света Божествена Литургија.
На Литургијата, верниот народ се заблагодари на Бога и се причести со Светите Христови Тајни. По Литургијата, со црковните икони беше направен трикратен опход (литија) околу црквата.
