На 24 ноември 2024г. по 11 пат се одржа Македонски културен фестивал во Вилјамстаун (Williamstown), Мелбрун, Австралија. На овој културен и значаен настан за Македонците од оваа далечна земја, свое учество имаше и Австралиско-новозеландската епархија. Свештеникот, протоереј – ставрофор и секретар во Епархијата за Австралија и Нов Зеланд, со благослов на митрополитот г. Петар го пререже славскиот колач и одржа пригодна проповед. Исто така епархијата имаше и свој штанд со црковни сувенири, литература и икони.
