На 04 јануари, 2025 година, во манастирот ,,Свети Наум Охридски” во Роклин, по повод патрониот празник, во сослужение на свештениците од Мелбурн се богослужеше Вечерна богослужба. После Вечерната, во манастирската трпезарија од овогодинешните домаќини беше послужена трпеза на љубовта.
Утредента на 05 јануари, на дваесет и осмата недела по Педесетница, Неделата пред Рождество – Неделата посветена на Светите Отци, кога се празнува споменот на Преподобен Наум Охридски и на Светите 10 Критски Маченици, во манастирот ,,Свети Наум Охридски” во Роклин, по повод патрониот празник, се богослужеше утрена богослужба и Света Божествена Литургија, во сослужение на свештениците од Мелбурн, а богослужеше протоереј – ставрофор Љупчо Каревски, старешина на манастирот.
На Литургијата, верниот народ се заблагодари на Бога и се причести со Светите Христови Тајни.
По Литургијата, во манастирската трпезарија од овогодинешните домаќини беше послужена празнична трпеза.
