Од Твојата татковска слава се одалечив безумно. На зло го потрошив богаството што ми го предаде. Затоа како блудниот син Ти се обраќам: Згрешив пред Тебе, Оче Штедар, мене покајникот прими ме и, како еден од Твоите наемници направи ме (Кондак на Неделата на блудниот син. Глас 3)
На 11 Февруари, во Неделата на блудниот син, кога го празнуваме и споменот на светите три светители: Василиј Велики, Григориј Богослов и Јован Златоуст, во црквата на Светиот Пророк Илија во Футскрај, се богослужеше Света Божествена Литургија.
Верниот народ се заблагодари на Бога и се причести со Светите Тајни.
