Си нѐ искупил од клетвата законска со твојата чесна крв. На крстот прикован со копје прободен, извор на бесмртност си им станал на луѓето, Спасителу наш слава Ти. (Тропар од Службата, глас 4.)
На 13 Април, во Светиот и Велик Четврток, во манастирот Свети Прохор Пчински се отслужи Утрена Богослужба и Службата на Светите и Спасителни Страдања на нашиот Господ Исус Христос. На службата се прочитаа 12 – те страдални Христови Евангелија, беше изнесено Распетието Христово, а присутните верници се поклонија на Христовите страдања и му вознесоа слава на долготрпеливиот Христос кој доброволно пострада заради луѓето.
Слава на Твоето Долготрпение Господи, слава Ти!
