Бидејќи учениците се сомневаа, во осмиот ден Спасителот застана пред нив, кај што беа собрани и, откако им го даде мирот, го повика Тома и му рече: Пријди, апостоле, допри ги рацете што ги прободоа клинците. О добро неверие Томино, срцата на верните ги приведе кон познание, и со страв повика: Господ и Бог мој, слава Ти. (Стихира на Слава, и сега, глас.1)
На 23 Април, во Неделата на Антипасха – Томина Недела, кога се празнува споменот на Светите маченици Терентиј, Помпеј и останатите 4о маченици, во манастирот Свети Прохор Пчински во Донибрук, се богослужеше Утрена богослужба и Света Божествена Литургија.
На Литургијата, верниот народ се заблагодари на Бога и се причести со Светите Христови Тајни.
Истиот ден, во манастирската црква, г-динот Радивој Ребершак ја прими Православната вера. Над него се изврши Светата Тајна Крштение и Миропомазание и го доби новото крстено име Мартин.
По молитвите на Светиот Мартин Исповедник – Папа Римски, Христе Боже помилуј го него и нас! Амин!
