На 16 ноември, 2018 година, со благослов на Неговото Високопреосвештенство Митрополитот Преспанско-пелагониски и Администратор Австралиски и Новозеландски г. Петар, во просториите на Митрополијата во Футскрај, Мелбурн, се одржа Архиерејско намеснисничко собрание за Викторија.
На Собранието се расправаше по донесениот Дневен ред, односно за богослужбениот и духовен живот во Црковните општини, активностите на парохиските свештеници и црковните одбори околу новозапочнатите градежни проекти и околу сите останати парохиски работи.
На Седницата беа дадени повеќе Предлози и донесени повеќе Заклучоци и Одлуки.
