На 01 Август, 2024 година, вечерта, по повод храмовата слава – споменот на Светиот Пророк Илија, во црквата во Футскрај, се отслужи празнична вечерна во сослужение на свештенството од Мелбурн.
Утредента, на 02 Август, 2024 година се богослужеше празнична утрена богослужба и Света Божествена Литургија.
На Литургијата, верниот народ се заблагодари на Бога и се причести со Светите Христови Тајни.
По благословувањето на празничниот леб и коливо, во црковната сала беше послужена празнична трпеза подготвена од парохијаните на црквата.
