На 31 Јануари, 2017 година, кога го славиме споменот на Свети Атанасиј Велики и Свети Кирил Александриски, во црквата „Свети Илија“ – Фуцкреј, Неговото Високопреосвештенство митрополитот Преспанско-пелагониски и Администратор Австралиски и Новозеландски одслужи Архиерејска Света Литургија.
На Литургијата, Неговото Високопреосвештенство г. Петар благоволи, со граден крст да го одликува парохискиот свештеник протоерејот Љупчо Каревски.
Верниците му се заблагодарија на Бога и се причестија со Христовите Тајни.
Во црковната слава беше послужена Трпеза на љубовта.
На многу години!
Откако ги насади учењата на Православието, го исече трњето на погрешните учења, и го умножи семето на верата со росата на Светиот Дух, преподобни. Затоа те воспеваме Атанасие. (Кондак на Свети Атанасиј Велики, глас 2.)
