Светлите богојавленски празници беа одбележани во манастирот „Свети Прохор Пчински“ во Донибрук.
Верните чеда на Црквата му заблагодарија на Бога за Тајната на Богојавлението. Го прославија: Христа – Кој се крсти за спасение на луѓето; Отецот – Кој возгласи и потврди дека Оној што се крштева е Неговиот возљубен Син; и Духот Свет – Кој во вид на гулаб слезе врз Христа Благословениот во вечни векови.
Сите присутни, со вера пристапија кон купелот на Богојавленската вода – за да бидат поросени, измиени и очистени за нов и обновен живот.
