На 09 Април, пред Македонскиот конзулат во Мелбурн, се одржа мирен собир за поткрепа на унитарниот карактер на Република Македонија.
Народот изрази безрезервна поддршка за претседателот Ѓорѓе Иванов и неговата одлука да не го додели мандатот за формирање на влада на оние партии кои ја подржуваат платформата од Тирана. Насобраниот народ испрати поздрави и поддршка кон граѓанската иницијатива „За заедничка Македонија“.
Собирот беше организиран од Македонската заедница од Мелбурн, во соработка со Светскиот македонски конгрес и повеќе македонски здруженија во Австралија.
Со своето присуство на настанот, поддршка даде и сето свештенство на Австралиско-новозеландската Епархија.
