Нашиот Господ ја покори Неговата сила, и ја ограничи, така што Неговата жива смрт може да му даде живот на Адам. Неговите раце ги даде на прободување од клинците, наместо раката која го скина забранетиот плод;Тој беше удрен по образот во судскиот хол, наместо устата која касна во Едемската градина.
И заради тоа што неговата нога го одведе Адама таму, Неговите нозе беа прободени. Нашиот Господ, беше соблечен, за нас да нè направи скромни: со жолчката и оцетот Тој ја направи слатка горчината на змијата, која таа ја истури врз човештвото. Блажен е Оној Кој ми даде победа и ги приближи мртвите до Неговата Слава!
Св. Ефрем Сирин
Превод: Дамјан Божиновски
