На 1 Април, 2017 г., откако се отслужи Воскресната вечерна богослужба во црквата Света Петка во Мил Парк, во организација на Неделното Црковно Училиште при црквата, во црковната сала се изврши презентација и училиште за подготовка на просфора.
Најрадосни беа децата, кои го посетуваат училиштето секоја недела, за кои и најмногу беше наменета оваа презентација и поучување. Нивните чисти рачиња за прв пат во нивниот живот месеа просфора.
Прекрасно беше доживувањето да се биде заедно со нив. Се радувавме сите. Покрај дечињата имаше и други присутни и верници.
Нека Божјиот благослов биде секогаш со нив.
